تصویر شیخ طهران آلبوغبیش

گلبی اشتعل و بدمعی بخیته

عله زلم الذی چانت بخیته

النشمی لون ضامی یمس بخیته

یکف همهه و یگلهه اتضری بیه

.............................

امنه الحللت النه لبنهه

و شرط بیناتنه خلت لبنهه

تدری الوالده شتگل لبنهه

ییمه الخالکم صیرو تچیه

.............................

عله الخال امنه وصتنه و ما ننسه وصیت امنه

و من حشم الخال و صاح گمنه احنه و تحزمنه

گبل لا نوصله من ابعید یاک ابن الاخت صحنه

یلخال الدله الگلناهه

...............................

الله سبحان و تعالی شوف علمه اشگد چبیر

کن یکن راد الیصیر و لم یکن لا ما یصیر

لا غنی یبگه ابقناعه و لا فقیر یضل فقیر

ربک متعادل میزانه

..............................

نخل اهلی عله مرت وگفت یم نخلة الگنطار

تگول الما عرف قدری یشمر عله اعثوگی احیار

بس حیدر عرف قدری و نعمین ابعلی الکرار

من گال ازرعهه عله چتافی

...............................

ودی کل یوم آنه اشوفن گاع اهلنه امخضره

وفرح ابشوفت نخلهه و احمد الله و اشکره

امعطره یا گاع اهلنه ابریحت اهلی امعطره

و هنیالک یلساکن بیهه

مشیت اویصدیج ادروب البیهن معتقد موتی

وما اذکر علی علیت والعبــــاس ابد صوتی

تالی ایبرطل النجـــار شفته النجر تابوتی

بسمار ایخلی ایذینی

الشاعر حسین ابوعلوان الناصری

مشیت ویصدیج ادروب وبیهن خلصت عمری

وعلی بضیـــــج مااذکر فرد مره درت ظهری

لچن صدگونی یاهناس یوم افتر علی دهری

صافح چف دهری وطگانی

لربع ماعزهاروحی وطبعی لزین اعتنی

وراسی لحد مااطخه عالی والهم ینحنی

فرق ماحطن ابربعی سوا العایز والغنی

مافرق کلهم خوانی

مصطفی کثیرمدینه الحر

یل ربیت ویاچ کل عمـری ابـحـنان

یل ترعرعت ابجمالـچ مـن صـبـای

یــلّـی حـبـچ بـلگــلـب خـضّرورود

یااخف والطف واعـز نجمه ابسمای

انـتـی حـبّـی وگلبی بس بسمچ ینور

وانتی اعذب ما ی یروینی ابضمای

انـتـی تاریـخ الأمـاجـد والـنـهـوض

انـتـی یا مـُنیـت اگلیـبی وکل رجای

انتی روحی وانتی عگلی الأنتی بی

انـتـی نسمـة شوگ من اجمل هوای

انـتی بسـمة شوگ من اجمل حبیب

یــلّـــی لآخـر یـوم اریـدنّـچ مـعـای

انتی کل عمری المضه ابحبچ سنین

انتی الماضی والحـاضر والّی جای

عاشگ وبأسـمچ ائـلف شـعری دوم

واجـمـل الألـحـان اغـنـیلـچ غــنـای

یـاجـمـیله الـمـا وجـد مـثلـچ جـمـال

انـتـی احـلی ایام عـمـری وکل هنای

یـاحـیاتـی ال مـا تـلـذ بـعـدچ حـیــاة

یلّی بس ابفـرحـتـچ یـکـمـل رضـای

بـیـچ دوم آنـه افـتخـروانـتـی افتخار

افــتـخـر لــن دوم مـن اصلـچ ردای

بیچ یبقه الراس عـالی ایـضل مـدیـم

یـلّـی مـاتـرضـیـن بأمـذ لـتی واذای

سید عباس موسوی نیا (البوشوکه) تنظیم کننده و مدیر سایت

عله راسی العشره اشنفع شبچای

اوعله الراح شیفید الدمع شبچای

ماصاد الیوده الگلب شبچای

انثرت حب حب وفای او غدر بیه

حبیبی المن افرا'گه الگلب بیداء

حده الحادی ابظعنه اوگطع بیداء

غصب بعدوه عنی لون بیداء

حصل ضل منفصل واتصل بیه

بت اصل ونسب تدرون او متحزمه ابچفيه

عزیزة عرب ماذلت  يسموني الفلاحيه

من الیراحي تشرب ماي والگنطارا المدليه

تربية الدورگ گالوها

***

اکو فارس خذه ابنه اويا راد ايشوف تربيته

الربه ابحضنه يعرف الخيل او باچر یمتلک صيته

گبل لاینشده  وایگله الولد باسه اعله چفيته

ولما عثرت گله اکحيله

***

الما تعثر اصيله ايگول اکحيله من حسب ونسب

وبسباگ الخيل بويه اتسدرت ابأول رتب

الما تچل وکت المطارد ولاتکع تدري السبب

کل زود العدهه ابراعيهه

***

احنه ربينه الأصايل البيهن الملعب طرب

او لبسیناهن الرشمه اعبيه واکحيلة عرب

اللاح شفناه ابظهرهن ابزود گال العز غلب

ماردهن خيل الخياله

الـما نـفـع اهـله وعـمـامه لاتـظن یـنفـع صـدیج

ایعوفـک ابأ ول مـحـنـتک لـوشهـد لـمعة بـریـج

یخی خاوی الحب عمامه ینفعک ساعة الضیج

یوکفلک لوصارت نیبه



الـخـوّه مـوکـلام انـگـال یـتـغــیّـربـعـد سـاعه

الخوّه اترید واحـد کون معـیون ابوفی اطباعه

الخوّه اترید گلب انضیف وایرش ریح نعناعه

والزلّه ابطیبه ایعدّیهه



تـواضـع للاخـولـتگـول آنه ابن الـزعـیـم افلان

تـواضع بـل تـواضع صیرللطا لب فخر عنوان

الفخر مو والدی اشسوّه الفخر للیوگف ابمیدان

صدگوم الیوداسوگاعه



عزمک ابعزم ابن عمک شده واتلگّه الخصم

واوگف ابساحة الکلفه وزیح عن بیته الهضم

رخّص الروح ابوکتهه وبالک اتماشی الظلم

لاتقبل من ظالم عیله

اخوتی من حلو وضعی شفتهم صارو اخوانی

 اترکونی ابیوم دهری اویای خان او حیل اذانی

شنوحن من حزن گلبی نحیل ابقیت هسه آنی

 من خوتی الکلهم طماعه

اعاین ساحت المیدان اشوف اوجوه فرحانه

وبستان الشعر طبــــــیت اعدل گمت بوزانه

مبروکین الف مره یخوتی او هاذ الیوم منوانه

نفرح ویاکم یا هیبه

ینهاب الرجل ینهاب مادامه اخو یمه

لان آنه اعتقادی اجناح اخوه او دمه من دمه

انه المهیوب بین الناس لان اخوانی ملتمه

کل واحدهم میه ابعینی